Auzolanean eraikitako herria

Durangoren itzalean urteetan bizi izan da, baina historia handiko herria da Iurreta, eta gaur egun ere bizi-bizirik dago.

Erdi Arotik mantendu den kofradiatako egitura, komertzio bide garrantzitsuen lekuko, burdinolentzako herri aproposa, Dantzari-dantzaren gotorleku ere bada Iurreta. Aldameneko herri handiagoak bere azpian hartu arren edo gerrateen guda zelai izanda ere herritar askoren arteko auzolanari esker bizi-bizirik dago gaur egun.

Iurretako plazan elkartuta, bisita gidatu honetan, aurrez aipatutako ezaugarri guzti horien inguruko xehetasunak ezagutuko dituzue eta baita gauza gehiago ere. Nondik dator herriaren izena? Nola sortu zen? Iurretan zehar ibilita historiako garai ezberdinetan pausatuko zarete denboran zehar bidaiatuz.

Bisitan nabarmentzekoak:

• Aita San Migel plaza
• Montoiko zubia
• Askondoko karpa
• Dantzari dantza

Irteera puntua: Aita San Migel plaza

Iraupena: 90 minutu

Zailtasun maila: Erreza eta irisgarria

Taldea: Gehienez 25 pertsona

Hizkuntza: Euskara, gaztelera, frantsesa, ingelesa

Prezioa: 185 € (BEZ barne)